វេទិកាស្រូវអង្ករកម្ពុជាឆ្នាំ២០២៤

ថ្ងៃអង្គារ ទី១០ ខែកញ្ញា ឆ្នាំ២០២៤

 «ការប្រែក្លាយខ្សែសង្វាក់ផ្គត់ផ្គង់អង្ករកម្ពុជាឱ្យកាន់តែមានភាពធន់ និរន្តភាព និងបរិយាបន្ន»

អំពីយើង

ជារៀងរាល់ពីរឆ្នាំម្ដង សហព័ន្ធស្រូវអង្ករកម្ពុជា តែងតែរៀបចំព្រឹត្តិការណ៍ដ៏ធំមួយ ដែលមានឈ្មោះថា «វេទិកាស្រូវអង្ករកម្ពុជា» ហើយ នៅក្នុងឆ្នាំនេះ សហព័ន្ធស្រូវអង្ករកម្ពុជា នឹងរៀបចំវេទិកាស្រូវអង្ករកម្ពុជាឆ្នាំ២០២៤ នាថ្ងៃអង្គារ ទី១០ ខែកញ្ញា ឆ្នាំ២០២៤ នៅសណ្ឋាគារ សូហ្វីតែល ភ្នំពេញ ភូគីត្រា។ វេទិកាស្រូវអង្ករកម្ពុជាឆ្នាំ២០២៤ នឹងប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងរដ្ឋមន្រ្តីមកពីក្រសួងពាក់ព័ន្ធ ដូចជា លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ និង ឯកឧត្តម ហែម វណ្ណឌី រដ្ឋមន្រ្តីក្រសួងឧស្សាហកម្ម បច្ចេកវិទ្យា វិទ្យាសាស្រ្ត និងនវានុវតន៍។

វេទិកាស្រូវអង្ករកម្ពុជា ឆ្នាំ២០២៤ គឺព្រឹត្តិការណ៍ដ៏ធំបំផុតអំពីស្រូវអង្ករនៅកម្ពុជា ដែលនឹងធ្វើឡើងនៅថ្ងៃអង្គារ ទី១០ ខែកញ្ញា ឆ្នាំ២០២៤ នៅសណ្ឋាគារ សូហ្វីតែល ភ្នំពេញ ភូគីត្រា។ ប្រធានបទនៅក្នុងឆ្នាំនេះ គឺ «ការប្រែក្លាយខ្សែសង្វាក់ផ្គត់ផ្គង់អង្ករកម្ពុជាឱ្យកាន់តែមានភាពធន់ និរន្តភាព និងបរិយាបន្ន»។

កម្មវត្ថុចម្បងនៃវេទិកាស្រូវអង្ករកម្ពុជាឆ្នាំ២០២៤ គឺដើម្បី៖

         ១ ផ្សព្វផ្សាយអំពីសក្តានុពលនៃវិស័យស្រូវអង្ករកម្ពុជាទៅកាន់ពិភពលោក តាមរយៈការបង្ហាញអំពីសមត្ថភាពផលិតកម្មស្រូវ ការកិនកែច្នៃ និងភាពប្រជែងឈ្នះផ្សេង                    ទៀតរបស់វិស័យស្រូវអង្ករកម្ពុជា

          ២ ចែករំលែកដល់អង្គវេទិកា ស្តីអំពីនិន្នាការនៃទីផ្សារ ការដាំដុះ និងបច្ចេកវិទ្យាដែលពាក់ព័ន្ធដល់ការដាំដុះស្រូវ ការកិនកែច្នៃស្រូវអង្ករ

          ៣ ចែករំលែកដល់អង្គវេទិកាស្តីអំពីទស្សនៈវិស័យ គោលនយោបាយ   និងវិធានការនានារបស់រាជរដ្ឋាភិបាលលើវិស័យស្រូវអង្ករកម្ពុជា

          ៤ វេទិកាសម្រាប់ពិភាក្សាដើម្បីស្វែងរកធាតុចូល និងអនុសាសន៍នានាសម្រាប់លើកកម្ពស់វិស័យស្រូវអង្ករនៅកម្ពុជា

លើសពីនេះ វេទិកានេះនឹងមានការចូលរួមពីភ្ញៀវកិត្តិយសជាតិ និងអន្តរជាតិចំនួន ៣៥០ នាក់ ដូចជា៖

•  រោងម៉ាស៊ីនកិនស្រូវ

•  អ្នកនាំចេញស្រូវអង្ករ

•  អ្នកនាំចូលស្រូវអង្ករ

•  អ្នកជួញដូរស្រូវអង្ករ

•  ក្រុមហ៊ុនដឹកជញ្ជូនផ្លូវទឹក

•  ក្រុមហ៊ុនត្រួតពិនិត្យទំនិញអង្ករ

•  ក្រុមហ៊ុនធានារ៉ាប់រង

•  ក្រុមហ៊ុនផ្តល់សេវាភស្តុភារកម្ម និងដឹកជញ្ជូន

•  ក្រុមហ៊ុនផ្គត់ផ្គង់គ្រឿងចក្រ

•  តំណាងទីភ្នាក់ងារអភិវឌ្ឍន៍

•  តំណាងអង្គទូត និងស្ថានបេសកកម្ម

•  និស្សិត និង អ្នកស្រាវជ្រាវលើផ្នែកស្រូវអង្ករ

•  សហគមន៍ សហព័ន្ធ សភាពាណិជ្ជកម្ម

•  និង តំណាងស្ថាប័នរាជរដ្ឋាភិបាល ។ល។

ទំនាក់ទំនង

ក្រុមការងាររបស់ពួកយើងរីករាយក្នុងឆ្លើយសំណួរទាក់ទងទៅនឹងរាល់ព័ត៌មាននៃវេទិកាស្រូវអង្ករកម្ពុជា

លេខទូរសព្ទ    :    +៨៥៥ ៧៦ ៦៥៥ ៩៨៩៩

អ៉ីម៉ែល           :    riceforum.rf2024@gmail.com

អាសយដ្ឋាន    :    បន្ទប់លេខ ៨១៩ (SOHO C) ជាន់ទី៨ អគារ Fortune Tower (C7) អូឡាំព្យាស៊ីធី សង្កាត់វាល់វង់ ខណ្ឌ ៧ មករា រាជាធានីភ្នំពេញ ប្រទេសកម្ពុជា

ហ្វេសប៊ុក      :    វេទិកាស្រូវអង្ករកម្ពុជា - Cambodia Rice Forum

LinkedIn      :   www.linkedin.com/company/cambodia-rice-federation

Youtube       :   Cambodia Rice Forum