ព័ត៌មាន & ព្រឹត្តិការណ៍
 នាថ្ងៃពុធ ៩រោច ខែពិសាខ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី០៥ ខែឧសភា ឆ្នាំ២០២១ នៅឯសាលាស្រុកថ្មគោល ឧកញ៉ា ភួ វាសនា អនុប្រធានសហព័ន្ធស្រូវអង្ករកម្ពុជា បាននាំយកនូវអំណោយជាអង្ករ៥តោន ស្មើនឹង៥០០០គីឡូក្រាម ដែលជាការចូលរួមបរិច្ចាគរបស់សមាជិកសមាជិកាសហព័ន្ធស្រូវអង្ករកម្ពុជា ប្រគល់ជូនដល់រដ្ឋបាលស្រុកថ្មគោល ខេត្តបាត់ដំបង ដើម្បីចែកជូនប្រជាជនក្រីក្រ ដែលរងការប៉ះពាល់ដោយជំងឺកូវីដ១៩។
នាថ្ងៃអង្គារ ៨រោច ខែពិសាខ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី០៤ ខែឧសភា ឆ្នាំ២០២១ នៅឯសាលាខេត្តកំពង់ធំ តំណាងសហព័ន្ធស្រូវអង្ករកម្ពុជា​ ដែលរួមមានបុគ្គលិកមកពីក្រុមហ៊ុនរោងម៉ាស៊ីនកំពង់ធំ ១៦៦៨ និងបុគ្គលិកក្រុមហ៊ុនអេមរុរ៉ាយស៍ ខេត្តកំពង់ធំ បាននាំយកនូវអំណោយជាអង្ករ៥តោន ស្មើនឹង៥០០០គីឡូក្រាម ដែលជាការចូលរួមបរិច្ចាគរបស់សមាជិកសមាជិកាសហព័ន្ធស្រូវអង្ករកម្ពុជា ប្រគល់ជូនដល់រដ្ឋបាលខេត្តកំពង់ធំ ដើម្បីចែកជូនប្រជាជនក្រីក្រ ដែលរងការប៉ះពាល់ដោយជំងឺកូវីដ១៩។
នាព្រឹកថ្ងៃសៅរ៍ ៥រោច ខែពិសាខ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី០១ ខែឧសភា ឆ្នាំ២០២១ នៅឯសាលាខេត្តកំពង់ចាម ឧកញ៉ា សុង សារ៉ន ប្រធានសហព័ន្ធស្រូវអង្ករកម្ពុជា​ បាននាំយកនូវអំណោយជាអង្ករ៥តោន ដែលជាការចូលរួមរបស់សមាជិកសមាជិកាសហព័ន្ធស្រូវអង្ករកម្ពុជា ប្រគល់ជូនដល់រដ្ឋបាលខេត្តកំពង់ចាម ដែលមានឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងឯកឧត្តម ខ្លូតផន ប្រធានក្រុមប្រឹក្សាភិបាលខេត្តកំពង់ចាម ជាតំណាងទទួលអំណោយនូវថ្ងៃនេះ។
 នាព្រឹកថ្ងៃទី ២៤ ខែមេសា ឆ្នាំ ២០២១ នាទីស្តីការក្រសួងសេដ្ឋកិច្ច និងហិរញ្ញវត្ថុ មានពិធីនិមិត្តរូប ប្រគល់ និង​ទទួល​ជំនួយជាអង្ករចំនួន ១០០តោន រវាង ឯកឧត្តម វង់ សណ្តាប់ រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ តំណាងដ៏ខ្ពង់ខ្ពស់របស់ ឯកឧត្តមអគ្គបណ្ឌិតសភាចារ្យ អូន ​ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ជាប្រធាន​គណៈកម្មការជាតិគ្រប់គ្រង និងដឹកនាំការអនុវត្តវិធានការបិទខ្ទប់ ជាមួយនិងតំណាងសហព័ន្ធស្រូវអង្ករកម្ពុជា មាន ឧកញ៉ា ហ៊ុន ​ឡាក់ ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា និង ឧកញ៉ា សុង សារ៉ន ប្រធានសហព័ន្ធស្រូវអង្ករកម្ពុជា​ ព្រមទាំងតំណាងសាលារាជធានីភ្នំពេញ មាន ឯក​ឧត្តម កើត ឆែ អភិបាលរងរាជធានីភ្នំពេញ និងមានការចូលរួមពីឯកឧត្តម លោកជំទាវ លោក លោកស្រី ជាមន្ត្រីរាជការនៃក្រសួងសេដ្ឋកិច្ច និងហិរញ្ញវត្ថុមួយចំនួនទៀត។
 នាថ្ងៃរសៀលអង្គារ ២កើត ខែពិសាខ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៣ ខែមេសា ឆ្នាំ២០២០ នៅឯទីស្តីការក្រសួងសុខាភិបាល ឧកញ៉ា សុង សារ៉ន ប្រធានសហព័ន្ធស្រូវអង្ករកម្ពុជា បានអញ្ជើញចូលរួមជាមួយបណ្តាក្រុមហ៊ុនឯកជន និងសប្បុរសជនចំនួន១៣ផ្សេងទៀត ដោយនាំយកនូវអំណោយដែលជាការចូលរួមបរិច្ចាគពីសមាជិក សមាជិកា សហព័ន្ធស្រូវអង្ករកម្ពុជា ដែលមានជាកុំព្យូទ័រយួរដៃចំនួន៤គ្រឿង និងម៉ាស៊ីនព្រីនចំនួន៥គ្រឿង ជូនដល់គណៈកម្មាធិការចំពោះកិច្ចចាក់វ៉ាក់សាំងកូវីដ-១៩  ដែលមានលោកជំទាវ ឱ វណ្ណឌីន ប្រធានគណៈកម្មាធិការចំពោះកិច្ចចាក់វ៉ាក់សាំងកូវីដ- ១៩ អញ្ជើញជាអធិបតីភាពទទួលអំណោយ។
 ការនាំចេញអង្កររបស់កម្ពុជា ក្នុងរយៈពេល៣ខែ នៃត្រីមាសទីមួយ ដើមឆ្នាំ២០២១ នេះ សម្រេចបាន ១៥៣ ៦៨៨ តោន គិតជាទឹកប្រាក់មានចំនួន ១០៩.៧៣ លានដុល្លារសហរដ្ឋអាមេរិក។ 
 នាថ្ងៃព្រហស្បតិ៍ ៤រោច ខែចេត្រ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី០១ ខែមេសា ឆ្នាំ២០២១ ឧកញ៉ា សុង សារ៉ន ប្រធានសហព័ន្ធស្រូវអង្ករកម្ពុជា បានចូលរួមថ្លែងបទអន្តរាគមន៍គន្លឹះ នៅក្នុងសន្និបាតបូកសរុបការងាររបស់ក្រសួងពាណិជ្ជកម្មឆ្នាំ២០២០ និងទិសដៅឆ្នាំ២០២១ តាមរយៈប្រព័ន្ធវីដេអូ ក្រោមអធិបតីភាពឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្មកម្ពុជា។
រូបថត
ដៃគូ
 
 

តម្លៃអង្ករនាំចេញ (FOB PRICE)
(Update: as of 04 May 2021)


 

តម្លៃស្រូវ (សើមនិងស្ងួត)- PADDY PRICE
(Update: 03 May 2021)
     
  
Export Statistic
by Metric Tons
Monthly 2018 2019 2020 2021
1. january 62.623 59.625 50.450 34.273
2. February 47.809 52.861 86.049 41.949
3. March 50.683 58.335 94.449 77.466
4. April 36.239 42.942 69.304 38.807
5. May 42.865 36.409 55.845 ---
6. June 31.318 31.366 41.563 ---
7. July 25.543 26.475 28.413 ---
8. August 44.558 34.032 22.130 ---
9. September 47.626 56.541 40.572 ---
10. October 45.543 59.354 47.530 ---
11. November 62.433 56.209 64.740 ---
12. December 128.985 105.957 89.784 ---
Yearly Export 626.225 620.106 690.829 192.495
MOT- Sources: Secretariat One Window Service
(SOWS-REF) for rice export.