នៅសណ្ឋាគារ Raffles Hotel Le Royal ឧកញ៉ា សុង សារ៉ន ប្រធានក្រុមប្រឹក្សាភិបាលនៃសហព័ន្ធស្រូវអង្ករកម្ពុជា ឧកញ៉ា ចាន់ សុឃាំង ប្រធានសហព័ន្ធស្រូវអង្ករកម្ពុជា និងសមាជិក សមាជិកានៃសហព័ន្ធស្រូវអង្ករកម្ពុជា រួមជាមួយនឹង លោក Patrick Murphy, អនុប្រធានប្រតិបត្តិទទួលបន្ទុកផ្នែកបញ្ជាទិញអង្ករ និងគ្រាប់ធញ្ញជាតិ នៃក្រុមហ៊ុន Otis McAllister, Inc ចូលសម្ដែងការគួរសម និងពិភាក្សាការងារ ជាមួយ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម។

ប្រតិភូសហព័ន្ធស្រូវអង្ករកម្ពុជាចំនួន ១៣ រូប ដឹកនាំដោយ អ្នកឧកញ៉ា ហ៊ុន ឡាក់ ប្រធានក្រុមប្រឹក្សាគោលនយោបាលនៃសហព័ន្ធស្រូវអង្ករកម្ពុជា ឧកញ៉ា សុង សារ៉ន ប្រធានក្រុមប្រឹក្សាភិបាលនៃសហព័ន្ធស្រូវអង្ករកម្ពុជា និង ឧកញ៉ា ចាន់ សុឃាំង ប្រធានសហព័ន្ធស្រូវអង្ករកម្ពុជា បានចូលសម្ដែងការគួរសម និងពិភាក្សាការងារអំពីវិស័យស្រូវអង្ករកម្ពុជានៅវិមានសន្តិភាព ដែលជំនួបនេះប្រព្រឹត្តទៅក្រោមអធិបតីភាពរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា។

ឧកញ៉ា សុង សារ៉ន ប្រធានក្រុមប្រឹក្សាភិបាលនៃសហព័ន្ធស្រូវអង្ករកម្ពុជា ឧកញ៉ា ចាន់ សុឃាំង ប្រធានសហព័ន្ធស្រូវអង្ករកម្ពុជា និង លោក Jeremy Zwinger នាយកប្រតិបត្តិ The Rice Trader (TRT) និងជាស្ថាបនិកសន្និសីទស្រូវអង្ករពិភពលោក បានចូលសម្ដែងការគួរសម និងពិភាក្សាការងារអំពីគម្រោងការនៃការរៀបចំសន្និសីទស្រូវអង្ករពិភពលោក នៅកម្ពុជា សម្រាប់ឆ្នាំ២០២៥ ដែលជំនួបនេះត្រូវបានប្រព្រឹត្តទៅក្រោមអធិបតីភាពរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា។

     សហព័ន្ធស្រូវអង្ករកម្ពុជា (ស.អ.ក) ជាស្ថាប័នឯកជនតែមួយគត់ តំណាងឱ្យវិស័យស្រូវឧស្សាហកម្មស្រូវអង្ករនៅកម្ពុជា ដែលប្រមូលផ្តុំអ្នកពាក់ព័ន្ធទាំងអស់ មកពីអ្នកផលិត អ្នកកិនកែច្នៃ អ្នកនាំចេញ និងអ្នកផ្តល់សេវាពាក់ព័ន្ធ។ ស្ថាប័នមួយនេះត្រូវបានបង្កើតឡើងតាមរយៈ ការបោះឆ្នោត ដោយសមាជិកស្ថាបនិក២១៣រូប នាថ្ងៃទី១៩ ខែឧសភា ឆ្នាំ២០១៤ និងត្រូវបានទទួលស្គាល់ជាផ្លូវការដោយអនុក្រឹត្យរបស់រាជរដ្ឋាភិបាលលេខ២២៨ អនប្រ.បក ចុះថ្ងៃទី០៨ ខែសីហា ឆ្នាំ២០១៤ និងអនុក្រឹត្យលេខ១៧២ អនប្រ.បក ចុះថ្ងៃទី២៨ ខែវិច្ឆិកា ឆ្នាំ២០១៩។
       សហព័ន្ធស្រូវអង្ករកម្ពុជា ជាស្ថាប័នឯកជនតែមួយគត់ សម្រាប់វិស័យស្រូវអង្ករនៅកម្ពុជា ដែលស្ថិតក្រោមអភិបាលកិច្ចផ្នែកបច្ចេកទេសរបស់ក្រសួងពាណិជ្ជកម្ម និងជាដៃគូរបស់រាជរដ្ឋាភិបាល ចូលរួមរាល់សកម្មភាពរបស់សហគមន៍ស្រូវអង្ករនៃបណ្តាប្រទេសអាស៊ាន ចូលរួមចរចារជាមួយរដ្ឋាភិបាលនៃបណ្តាប្រទេសនាំចូល រៀបចំសន្និសីទតាំងពិព័រណ៌ស្រូវ-អង្ករថ្នាក់ជាតិ និងអន្តរជាតិជាប្រចាំឆ្នាំ ព្រមទាំងចូលរួមក្នុងការងារផលិតពូជស្រូវសម្រាប់ចែកចាយជូនប្រជាកសិករ។
       នាថ្ងៃទី០៩ ខែសីហា ឆ្នាំ២០១៩ សហព័ន្ធស្រូវអង្ករកម្ពុជា បានរៀបចំមហាសន្និបាតប្រចាំឆ្នាំ និងការបោះឆ្នោតក្រុមប្រឹក្សាភិបាលអាណត្តិទី៣ ដោយជ្រើសរើសបានសមាជិកក្រុមប្រឹក្សាភិបាលចំនួន ២៥រូប ដែលជាតំណាង មកពីអ្នកនាំចេញអង្ករ រោងម៉ាស៊ីនកិនស្រូវ និងសហគមន៍កសិករ។ 

១.  ទស្សនៈវិស័យ

     “ការអភិវឌ្ឍវិស័យស្រូវ-អង្ករ ប្រកប ដោយតម្លាភាព និងសីលធម៌»

២. បេសកម្ម

            សហព័ន្ធស្រូវអង្ករកម្ពុជាបានប្តេជ្ញាចិត្ត យ៉ាងមុតមាំក្នុងការលើកកម្ពស់ផលិតភាព​ ដើម្បីធ្វើឲ្យប្រសើរឡើងនូវបច្ចេកទេស កសិកម្ម និងការកិនកែច្នៃអង្ករកម្ពុជា ការកាត់បន្ថយចំណាយថ្លៃដើមក្នុងដំណើរការនាំចេញ  ការលើកកម្ពស់ក្រមប្រតិបត្តិមួយ ក្នុងក្របខណ្ឌនៃវិស័យស្រូវអង្ករទាំងមូល ដែលមានតម្លៃសម្រាប់ការវិនិយោគ និងការអនុវត្តនូវស្តង់ដារក្រមសីលធម៌ខ្ពស់បំផុត ក្នុងប្រតិបត្តិការរបស់យើងទាំងអស់គ្នា ជាមួយនឹងភាគីពាក់ព័ន្ធ ដើម្បីការពារគុណភាពអង្កររយៈពេលវែង កេរ្តិ៍ឈ្មោះ និងនិរន្តរភាពនៃការផ្គត់ផ្គង់អង្ករកម្ពុជា។ 

     ៣.  គុណតម្លៃ

     គុណតម្លៃទាំង៨របស់យើងតំណាងអោយតម្លៃនៃក្រមសីលធម៌និងគោលការណ៍នៃការងារដែលជំរុញនូវរាល់
សកម្មភាពរបស់សមាជិក បុគ្គលិក និងថ្នាក់ដឹកនាំនៃសហព័ន្ធស្រូវអង្ករកម្ពុជា។ តម្លៃនៃក្រមសីលធម៌និងគោល
ការណ៍នៃការងារទាំងនោះរួមមាន៖

៣.១ សុចរិតភាព

យើងនឹងមិននិយាយ ធ្វើ ឬប្រកាសអ្វីមួយដែលមិនមែនជាការពិតឬនាំអោយភ័ន្តច្រឡំ។ យើងជឿជាក់
ថាលទ្ធផលដ៏ ល្អចុងក្រោយមិនអាចស៊ីសងគ្នាជាមួយនឹងអំពើអាក្រក់ដែលយើងធ្វើដើម្បីសម្រេចលទ្ធ
ផលនោះទេ ហើយអំពើខុសឆ្គងពីរក៏មិនអាចបង្កើតបានជាអំពើល្អមួយដែរ។ យើងក៏ជឿជាក់ថាការ ព្រងើយ អំពីច្បាប់ពុំអាចប្រើដោះសារសំរាប់ការបំពានច្បាប់បានទេ។

៣.២ តម្លាភាព

យើងនឹងបង្ហាញនូវព័ត៌មានទៅសមាជិកនិងភាគីពាក់ព័ន្ធទាំងអស់ ក្នុងមូលដ្ឋានពេលវេលាពិត   ប្រាកដ។

៣.៣ ការអនុវត្តជាក់ស្តែង

រាល់សកម្មភាពទាំងអស់នឹងត្រូវជំរុញទៅមុខដោយការពិចារណាដោយជាក់ស្តែង ហើយយើងនឹងចៀសវាងនូវវិធីសាស្ត្រដោះស្រាយដែលស្មុគស្មាញនិងប្រើពេលច្រើនទៅនឹងបញ្ហាណាមួយ។

៣.៤ ការផ្តោតលើលទ្ធផល

គ្រប់យុទ្ធសាស្ត្រ គោលនយោបាយ និងសកម្មភាពរបស់យើងនឹងផ្តោតដោយម៉ត់ចត់ទៅលើលទ្ធផល។

៣.៥ សាមគ្គីភាព

យើងនឹងរក្សានូវសាមគ្គីគ្នាក្នុងការសម្រេចអោយបាននូវគោលដៅរួមរបស់យើង និងចៀសវាងការទាស់
ទែងគ្នាតាមរយៈពាក្យសំដីនិងអំពើនានា។

៣.៦ ភាពលឿន

យើងនឹងមិនពន្យាពេលដែលធ្វើអោយយឺតយ៉ាវការសម្រេចចិត្តនានារបស់យើងទេ ដោយយកគោលការណ៍ពេលវេលាជាមាសប្រាក់។

៣.៧ ផលប៉ះពាលពីការវិនិយោគ

រាល់សកម្មភាពរបស់យើងទាំងអស់ត្រូវគោរពនូវការទទួលខុសត្រូវចំពោះសង្គមនិងបរិស្ថាន នៅក្នុងសង្វាក់ផលិតកម្មស្រូវអង្ករ។

៣.៨ អត្ថប្រយោជន៍ទៅសមាជិកនិងសហគមន៍

គ្រប់សកម្មភាពទាំងអស់នឹងត្រូវតែផ្តល់ប្រយោជន៍ទៅសមាជិកទាំងអស់និងសហគមន៍ដែលយើងធ្វើការជាមួយ។