|
ព្រឹកថ្ងៃព្រហស្បតិ៍ ត្រូវនឹងថ្ងៃទី៤ ខែឧសភា ឆ្នាំ២០២៣ នាយកដ្ឋានទំនាក់ទំនងអន្តរជាតិ នៃក្រសួងកសិកម្ម រុក្ខាប្រមាញ់ និងនេសាទមានរៀបចំវេទិការធុរកិច្ចជំរុញការវិនិយោគបរទេសលើការផលិតស្រូវនៅប្រទេសគុយបា ដែលភាគីគុយបាដឹកនាំដោយ ឯកឧត្តម Maury Hechavarria Bermudez ដែលជាអនុរដ្ឋមន្ត្រីក្រសួងកសិកម្មនៃប្រទេសគុយបា អមដោយសមាជិកគណៈប្រតិភូចំនួន ៦រូប មកពីនាយកដ្ឋានផ្សេងនៃក្រសួងកសិកម្មប្រទេសគុយបា។
|
|
|
|
នៅក្នុងអំឡុងកិច្ចប្រជុំប្រចាំឆ្នាំ នាថ្ងៃព្រហស្បតិ៍ ទី20 ខែមេសា ឆ្នាំ២០២៣ នៅសណ្ឋាគារ រ៉េស៊ីដង់ សុខា ភ្នំពេញ សមាគមវិនិយោគិននវានុវត្តន៍ និងអភិវឌ្ឍន៍ (IDI) តំណាងដោយ លោកបណ្ឌិត ហោ សេរីវឌ្ឍន៍ ប្រធានក្រុមប្រឹក្សាភិបាល បានចុះអនុស្សរណៈយោគយល់ជាមួយសហព័ន្ធស្រូវអង្ករកម្ពុជា តំណាងដោយ លោក ឧកញ៉ា ចាន់ សុឃាំង ប្រធានសហព័ន្ធស្រូវអង្ករកម្ពុជា។
|
|
|
|
សហព័ន្ធស្រូវអង្ករកម្ពុជា សូមចូលរួមអបអរសាទរទិវាជនជាតិដើមភាគតិចអន្តរជាតិ លើកទី២៧ និងជាលើកទី១៧ សម្រាប់ប្រទេសកម្ពុជា នៅថ្ងៃទី០៩ ខែសីហា ឆ្នាំ២០២១នេះ ដោយមានលោកឧកញ៉ា សុង សារ៉ន ប្រធានសហព័ន្ធស្រូវអង្ករកម្ពុជា បានចូលរួមជាវាគ្មិនកិត្តិយសមួយរូបនៅក្នុងកិច្ចសម្ភាសន៍នៃវីដេអូឯកសារ ដែលមានចំណងជើងថា "គ្មាននរណាម្នាក់ត្រូវបានផាត់ចេញ" របស់វេទិកានៃអង្គការមិនមែនរដ្ឋាភិបាលស្តីពីកម្ពុជា (NGO Forum)។
|
|
|
|
ក្នុងខែកក្កដា ឆ្នាំ២០២១ នេះ ការនាំចេញអង្កររបស់កម្ពុជា បានចំនួន២៩,៤១៥ តោនគិតជាទឹកប្រាក់ចំនួន ២១.១៨លានដុល្លារ មានការកើនឡើងចំនួន ៣.៥៣% បើធៀបទៅនឹងបរិមាណនាំចេញក្នុងខែកក្កដា ឆ្នាំ ២០២០ ឬ កើន ១១.១០% បើធៀបទៅបរិមាណនាំចេញក្នុងខែកក្កដា ឆ្នាំ២០១៩។ទោះបីជា ស្ថានភាពនៃកង្វះទូកុងតែន័រនៅតែបន្ត តម្លៃកប៉ាល់ទៅកាន់ទីផ្សារនៅក្នុងសហគមន៍អ៊ឺរ៉ុបនៅតែបន្តឡើងថ្លៃ តែស្ថានភាពទីផ្សារតម្រូវបានជំរុញឱ្យការនាំចេញអង្ករកម្ពុជា ចាប់ផ្តើមដំណើរការ ជាពិសេសការបំពេញការនាំចេញលើកិច្ចសន្យាដែលខកខាន ឬ ពន្យារពេលកន្លងមក។ ចុចទីនេះ ដើម្បីទាញយករបាយការណ៍ ៖ របាយការណ៍សង្ខេបការនាំចេញអង្ករកម្ពុជា ខែកក្កដា ឆ្នាំ២០២១
|
|
|
|
នាថ្ងៃព្រហស្បតិ៍ ទី២៩ ខែកក្កដា ឆ្នាំ២០២១ ឧកញ៉ា ចាន់ សុឃាំង អនុប្រធានសហព័ន្ធស្រូវអង្ករកម្ពុជា (ស.អ.ក) និងជាប្រធានគណៈកម្មាធិការប្រតិបត្តិទទួលបន្ទុកផ្នែកវិនិយោគ និងហិរញ្ញវត្ថុរបស់ ស.អ.ក និងលោក លន់ យ៉េង អគ្គលេខាធិការ ស.អ.ក បានជួបស្វាគមន៍ និងពិភាក្សាតាមរយៈប្រព័ន្ធអនឡាញ ជាមួយនឹងក្រុមការងារជាន់ខ្ពស់របស់គ្រឹះស្ថានមីក្រូហិរញ្ញវត្ថុ AMK ដើម្បីសិក្សាស្វែងយល់អំពីលទ្ធភាពនៅក្នុងហិរញ្ញប្បទានសម្រាប់វិស័យស្រូវអង្ករ ជាពិសេសទៅដល់រោងម៉ាស៊ីនកិនស្រូវ និងសហគមន៍កសិកម្ម។
|
|
|
|
លោកស្រី គីម ស្រីរ័ត្ន អនុប្រធានសហព័ន្ធស្រូវអង្ករកម្ពុជា និង ជាប្រធានគណកម្មាធិការប្រតិបត្តិទីផ្សារនិងជំរុញការនាំចេញ បានដឹកនាំសមាជិកសមាជិកាសហព័ន្ធស្រូវអង្ករចំនួន ១៥រូប ចូលរួមនៅក្នុងសិក្ខាសាលាចែករំលែកចំណេះដឹងស្តីពី កិច្ចសម្រួលពាណិជ្ជកម្មឆ្លងកាត់ព្រំដែនកម្ពុជា “Cross- Border Trade Facilitation in Cambodia” តាមប្រព័ន្ធវីដេអូ។
នៅថ្ងៃទី២៨-២៩ ខែ កក្កដា ឆ្នាំ២០២១ ក្រោមមូលនិធិពិសេស សម្រាប់គម្រោងសហប្រតិបត្តិការមេគង្គ-ឡានឆាង (Lancang-Mekong Cooperation Special Fund) ក្រសួងពាណិជ្ជកម្មកម្ពុជា បានរៀបចំនូវសិក្ខាសាលាសិក្ខាសាលាចែករំលែកចំណេះដឹងស្តីពី កិច្ចសម្រួលពាណិជ្ជកម្មឆ្លងកាត់ព្រំដែនកម្ពុជា “Cross- Border Trade Facilitation in Cambodia” តាមប្រព័ន្ធវីដេអូ ដែលមានការចូលរួមពីសមាជិកសមាជិកា សហព័ន្ធស្រូវអង្ករកម្ពុជា ដែលជាក្រុមហ៊ុននាំចេញ ក្រុមហ៊ុនដឹកជញ្ជូន និងក្រុមហ៊ុនភស្តុភារជាដើម ហើយនិងមានការចូលរួមពីភ្ញៀវកិត្តិយសដទៃទៀតសរុបប្រហែល១០០នាក់។
|
|
|
|
នាព្រឹកថ្ងៃពុធ ទី២៨ ខែកក្កដា ឆ្នាំ២០២១ ឧកញ៉ា សុង សារ៉ន ប្រធានសហព័ន្ធស្រូវអង្ករកម្ពុជា បានចូលរួមជាវាគ្មិនកិត្តិយសមួយរូប នៅក្នុងសន្និសីទសហគ្រិនកសិកម្មកម្ពុជា ក្រោមប្រធានបទ “គំនិតច្នៃប្រឌិតនៃកសិកម្មសម្រាប់ការរីកចម្រើនប្រកបដោយចីរភាព” ដែលរៀបចំឡើងដោយ JCI Entrepreneur Square ដែលរួមសហការរៀបចំជាមួយ សហព័ន្ធស្រូវអង្ករកម្ពុជា និងសមាគមអ្នកផលិតចំណីអាហារកម្ពុជា ក្រោមការគាំទ្រពីស្ថាប័នរដ្ឋ ស្ថាប័នឯកជន និងអង្គការជាតិ អន្តរជាតិនានា រួមមាន ក្រសួងសេដ្ឋកិច្ចនិងហិរញ្ញវត្ថុ ក្រសួងកសិកម្ម រុក្ខាប្រមាញ់ និងនេសាទ អគ្គនាយកដ្ឋានកសិកម្ម សហគ្រិនខ្មែរ Feed Future, USAID, CAVAC ដែលសន្និសីទនេះ មានការចូលរួមជិត៣០០នាក់។
|
|
|
|
នាថ្ងៃអង្គារ ៤កើត ខែទុតិយាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៣ ខែកក្កដា ឆ្នាំ២០២១ សហព័ន្ធស្រូវអង្ករកម្ពុជា បានរៀបចំនូវកិច្ចប្រជុំវិសាមញ្ញមួយ ក្រោមប្រធានបទ “ភាពបន្សាំសេដ្ឋកិច្ច លើការនាំចេញអង្ករកម្ពុជា ក្នុងបរិបទកូវីដ-១៩” តាមរយៈអនឡាញ ដែលមានការចូលរួមពី ឧកញ៉ា ហ៊ុន ឡាក់ ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា ឧកញ៉ា សុង សារ៉ន ប្រធានសហព័ន្ធស្រូវអង្ករកម្ពុជា ឯកឧត្តម ឧកញ៉ា បណ្ឌិត ទីប្រឹក្សាប្រតិបត្តិរបស់សហព័ន្ធស្រូវអង្ករកម្ពុជា សមាជិក សមាជិកា សហព័ន្ធស្រូវអង្ករកម្ពុជា ដែលជាក្រុមហ៊ុននាំចេញអង្ករ និងរោងម៉ាស៊ីនកិនស្រូវ សរុបប្រហែល៦០នាក់។
|
|
|
|
ឆមាសទី១ ឆ្នាំ២០២១នេះ កម្ពុជាបាននាំចេញអង្ករទៅកាន់ទីផ្សារគោលដៅទាំង៤៩ នៅលើសកលលោក ក្នុងបរិមាណអង្ករសរុបចំនួន ២៨០ ៤៥០តោន ដែលគិតជាទឹកប្រាក់ចំនួន ២០២.៦៧ លានដុល្លារសហរដ្ឋអាមេរិក។ ការនាំចេញក្នុងឆមាសទី១នេះបានធ្លាក់ចុះប្រមាណជា ២៩.៤៧% បើធៀបទៅរយៈពេលដូចគ្នាក្នុងឆ្នាំ២០២០ តែមានបរិមាណប្រហាក់ប្រហែលគ្នាទៅរយៈពេលដូចគ្នាក្នុងឆ្នាំ ២០១៧ ២០១៨ និង ២០១៩។ (ចុចទីនេះដើម្បីអាននិងទាញយករបាយការណ៍សង្ខេបជា PDF)
|
|
|
|
កាលពីសប្តាហ៍មុន ត្រូវនឹងថ្ងៃសុក្រ ទី១៨ ខែមិថុនា ឆ្នាំ២០២១ ឧកញ៉ា សុង សារ៉ន ប្រធានសហព័ន្ធស្រូវអង្ករកម្ពុជា បានផ្តល់កិច្ចសម្ភាសន៍ដោយផ្ទាល់នៅវាលស្រែ ក្បែរតំបន់អាងកំពីងកំពួយ ខេត្តបាត់ដំបង ជាមួយនឹងកម្មវិធីឈ្មោះ INVITATION AU VOYAGE ផ្សាយដោយទូរទស្សន៍ Arte របស់បារាំង-អាល្លឺម៉ង់។
|
|
|
.png)
.png)
.png)
.png)
